أول شي سويت خلطة بهارات مطيبه صحيحه و طحنتها في البيت ..
استخدمت ملعقه صغيره من كل من ( بذور الكمون - بذور الشمار - فلفل أسود - كزبره ) + 4 نجمة اليانسون + عودين قرفه + نصف حبه من جوزة الطيب ..



نحطهم في مقله .. و نحطهم على النار ( هذي الخطوه تساعد البهارات تصحى من النوم .. و تصير أقوى طعماً و رائحة ) و نقلبهم لين ما نشوف بخار يطلع منهم ..
نحطهم في الطحانه ..



و نطحنهم .. >>> أكيد بنطحنهم أجل لاويش حاطينهم في الطحانه ..

و للستيك ..

نستخدم ملعقه من كل من ( خلطة المطيبات السابقه + كاري + بهارات إيطاليه أو أوريغانو مجفف + روز ميري مجفف + ملح ) + نصف ملعقة بابريكا + رشة فلفل أسود مطحون ..



حطيت نص الخلطه هذي على شرايح اللحم .. و خليت النص الباقي خلطته مع الخلطه التاليه ..

جهزت الخلطه الثانيه ..

استخدمت بشر ليمونتين + 3 فصوص ثوم + زنجبيل + ملعقة خردل حب + خردل سائل + ملعقة معجون الكري *



و استخدمت بصله مقطعه صغير مع قرنين فلفل دراز و عصير ليمونه ..



نخلط المكونات السابقه كلها مع بعض .. + طماطمايتين مسويين في الخلاط ..



نحط المقلايه عالنار و نحط فيها زبده و زيت علشان نحمر اللحمه قبل لا تدخل الفرن ..



و نحمر اللحمه و نحاول ما نقلبها لين نتأكد أنها تحمرت .. تقريبا دقيقتين ثلاث على كل جهه



وبس نخلص تحمير اللحم .. ضروري جدا ما نغسل المقلايه .. لأن البواقي تعطي طعم للصلصه ..

و هذا شكلهم بعد التحمير ..



و أضفت الصلصه و قلبتهم فيها عدل ..



دخلتها الفرن على حرارة 400 لمدة ساعه إلى ساعه و نص ..

نجي لصلصة المشروم ..

مكوناتها تختلف عن الي قبل بس هي نفس الطريقه ..

نستخدم المقله زي ما هي .. بس نحط شوي زيت و زبده اذا تحبوا ..



نضيف البصل ..



و لاحظوا كيف تغير لونه بعد أقل من دقيقه على بدأ التحمير .. لأنه أخذ بواقي تحمير اللحم من المقله ..



نضيف له علبة مشروم ..



بس يتحمر زين .. نضيف له ملعقتين طحين .. و نخلطهم ..



نخفف الخلطه بكوب أو كوب و نص ماي .. و ممكن تستخدموا ماي الدجاج أو اللحم ..



نضيف لها ملح و فلفل .. و ملعقة حب خردل صحيح ..
و تخلوها تغلي لين توصل للكثافه المطلوبه ..



هذا اللحم بعد ما يطلع من الفرن ..



و هذا الشكل النهائي ..



قدمته مع رز بالزعفران و الكمون ..

و بالشفاء و العافيه ..

شو رأيكم بالتغيير ؟؟
طلعت أحلى و أسهل من الي قبل بواجد ..

إذا عجبتكم .. هالله هالله بالتقييم يا جماعه ..


* معجون الكري .. تلاقوه يمكن جاهز في السوق و تقدروا تسووه في البيت .. بحسب ذوقكم .. و ممكن ما تحطوه .. وتزودوا البهارات