|
| | |
| منتدى الشعر والخواطر الخواطر والشعر, قصائد، أشعار، نثر فلسطيني، تميم البرغوثي، أجمل قصائد تميم البرغوثي، أجمل قصائد نزار قبانى، شعر نزار قباني، تميم البرغوتى، شعر فى القدس، خواطر، شعر عن فلسطين، ابيات شعر ، نثر Thoughts and poetry, poems, poetry, prose Palestinians, Tamim Barghouti, the most beautiful poems of Tamim Barghouti, the most beautiful poems of Nizar Qabbani, Nizar Qabbani, Poetry, Tamim Barghouti, felt in Jerusalem, thoughts, poems for Palestine, the verses of poetry, prose |
 |
|
| |
18-Aug-2008, 02:59 PM
| #1 (permalink) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|  حطام انسان.... اقول ودعت ايامك ؟ خلاص فارقت احلامك؟ مسحت الذكرى من قلبى خلاص فاتتنى اوهامك ؟ واعيش فى حالى واحوالى راضيه بيهو حرمانك اذرف فى دموع قلبى رضيت ببعدى وهجرانك؟ امد يدى للقمرة امسح احلى ايامك وابايع لنجوم الليل الشهدت معاى ايام سهدى والامك تسيل دمعة تشق العبرة لحلقى وتصرخ نبضة فى قلبى مالو الحبيب فارق احضانك وباعك لظلام الهم ويختار يكتل احلامك شن سوينا للمحبوب يجازى حنانا بالحرمان شن سوينا للغالى يولع فينا دى النيران شن سوينا غير الحب اديناهو كل تحنان معقولة الدنيا غدارة وصبحت ابد ماليها امان.... وامسك بطرف يدى نبضى الهايج الحيران يمكن ياقلب نحن فيهو قصرنا ومابنستاهل منو حنان ويمكن غيرنا كان اسبق ورجحت كفتو الميزان ماتلومها دى الايام ولاغلطان معاى زمان ولاغلطان عشان حبيت وعشت حياتى زى انسان ولاغلطان كان فى يوم اتمردت على الاحزان واعلنت الفرح عنوان ولاغلطان كان فارقت صوامع الرهبان.. ولاغلطان كان فى الاخر صِبح خسران وكت مهزومة مجروحة وكان قلبى الجريح حزنان راضية بيهو هجرانك؟ سؤال ماأصعبو وأقساو إجابتو أليمة زى فحواو أقول أنساك؟؟؟ الاقيك لسة متربع امد يدى اجرك من سواد قلبى ولما افتح امد كفى الاقى الدم وسحاب الهم والاقيك مسربل فى حشى روحى أقول أنساك وأرضى بيهو حرمانك غلاوة الشوق تزعزعنى تفتتنى وتكتلنى أموت وأحيا وصدى الكلمات يرن ويرن جوة فى اذنى: بريدك وبس وماغيرك سكن قلبى ولاغيرك سلك دربى ولاغيرك بترضينى تزيح همى تشيل حزنى وتكون جنبى ولاغيرك بتتحكر فى جواى زيك انت ياعمرى بريدك انتى براك ملكتى على فرح دنياى مسحتى الدمعة من خدى واتمددتى فى احشاى بريدك ومافى غير ريدك سبب خلانى أحيا وأعيش فى دنياى هدية ربناالاعظم وكنتى عظيمة واحلى مناى وانتى وانتى وانتى وكنتى وكنتى وكنتى كلااااااام وكلااااام أتاريك كنت بتبيعو وانا المسكينة مخدوعةبيهو احلم وأنسج فركة الاوهام وأشوفك فى حداى قاعد تزيح الدمعة من خدى والالام تطبطب مدمعى الباكى تشاركنى الهم تشيل معاى شقاى أقول أنساك وأمد يدى للقمرة أمسح احلى ايامك تمسك بشعاع يدى تعاتبنى نسيتى معاهو احلامك حكاويكم تحت ضوى كلام الريدة من فاهو وحنان عينيك وفاااك واخلاصو وشوق يديك نزلت دمعة من عينى وبحرقة حرارة الجوف نحكى ليها عن هجرو عن صدو وعن بعدو وعن عن عن يالقمرة والله العظيم رايدا لكن الحبيب خلاص اخلاصنا ليهو نسا خانا وللظروف باينو لينا نسا وفى حكمو علينا قسا... اعدامنا حتى الموت من غير شفقة كتل قلبى البريدو وفى ريدو كم وكم هو شقا وخلانى خيال انسان كل اليشوف حالى بالعبرة ينشقا كل اليشوف حالى يبكينى بحرقة خلانى خيال انسان موشحة بالحزن تيبان حطام انسان جريمتو مابتحتمل غفران جريمة قلبى يالقمرة انو كان فنان رسم لوحات الحنان الوان شال من بالو خريطة الاحزان وافتكر الحياة مليانة لسة امان جريمة قلبى يالقمرة انو كمان عشق انسان من دون الخلوق اختارو ولي حبو كم وكم زان وكم كم فتشو للاعذار وسامحو مالقليب بالريدة عامر وبالحنان مليان .... لكنو اختار الفراق وحكم علينا بالهجران خلى القلب مكسور واتملت النفس احزان خلى الخاطر جريح مكسور تتناوبو الحسرة ويحضنو الحرمان خلى النفس مكسورة ومشتعلة زى نيران وخلانى اتحولت لاخر زولا غريب عنى مااتخيلتو يوم يسكن داخلى البى المحبة كان دوام عمران وبامل لقيا الحبيب كان القلب مزدان ... لكن خلاص على حكم وسكن داخلىزول اخر بقيت عايشة !! وماعايشة صبحت خلاص حطام انسان
| | 
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
