|
| | |
| منتدى الشعر والخواطر الخواطر والشعر, قصائد، أشعار، نثر فلسطيني، تميم البرغوثي، أجمل قصائد تميم البرغوثي، أجمل قصائد نزار قبانى، شعر نزار قباني، تميم البرغوتى، شعر فى القدس، خواطر، شعر عن فلسطين، ابيات شعر ، نثر Thoughts and poetry, poems, poetry, prose Palestinians, Tamim Barghouti, the most beautiful poems of Tamim Barghouti, the most beautiful poems of Nizar Qabbani, Nizar Qabbani, Poetry, Tamim Barghouti, felt in Jerusalem, thoughts, poems for Palestine, the verses of poetry, prose |
 |
|
| |
07-Jul-2008, 11:52 AM
| #1 (permalink) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| حلمت*... حلمت*... أخر كلام بعد ما بقلع هدومي قبل نومي لازم أقرا كام مقاله نرفزوني..سخنوني حفزوني..إني أكتب عن ولاد الكلب والسفاح شارون قول سهرت نمت..بعد الفجر ما أدن والعيال بيقوموني صحصحوني قمت مفزوع من منامي هجت فيهم جت مراتي قالت لي..مالك إيه جرالك؟ ليه بتشخط في العيال قلت بحلم كنت بحلم إني ميت وانفزعت انبسطي..؟ كشرت وبسرعة قالت: إيه دا أصله. طب وماله يستحق الموت وأكثر اللي يهرب من عياله كنت فين م المغربية؟ تيجي بعد الفجر ما أدن؟ إنت فاكر إن دا ح يخيل علي شعر إيه؟ واللا إيه بتهببه.. وتقول قضيه هي فين هي القضيه؟ هم يعني كلمتينك.. اللي ح يحلوا القضية؟ هيه ناقصة وإحنا مالنا ما انت شايف . كله خايف والمدافع همسه حايره..عالشفايف وانت عارف الصهاينة ناس قويه.. ومفتريه واللي أدهى من دا كله لما يبقى الكل نايم.. وانت قال تكتب قصيده!! عن ولاد الكلب والسفاح شارون أبقى نايمه!! أسمعك بتقول شارون؟ من غير سلام ولا يحزنون! انت فاهم إنه ح يهمه الكلام؟ واللا دول عايزين سلام؟ واللا ح يخاف من كلام؟ هو همه من كلينتون. ولا بوش ولا همه من باراك.. ولا همه من...! ولا عايز تبقى شاعر؟ ولا من أبنود جنابك؟ ولا عايز تقديريه؟ قلت طبعاً أي شاعر يستحق التقديريه يستاهلها عن جداره مش خساره ليه يا خويا هو طلع إسرائيل؟ ولا عمر فى الصحارا حاجه تانيه!! والقطاع العام بيخسر كان منع عنه الخساره؟ ولا سكان المقابر كان بنالهم كام عماره؟ ولا شغل ألف عامل أو منعهم من الدواره؟ ولا وزع ع الغلابة ألف طن من الدقيق ولا حتى كام شيكاره؟ فوق لروحك هو خدها عن وهيبه والأغاني لعبد حليم مش عشان حل القضيه القضية هي.. هي واحنا فى الخيبه القويه! قلت جاهله. إنت جاهله انتي فاكره الشعر ساهل؟ دا اللي ينكر فضل شاعر يبقى جاهل قلبك ابيض مش حترجع الا لما يحبسوك عالكبر ويبهدلوك انت بتقول يا سادتنا يا قادتنا.. ارفضوا تهديد أمريكا والتحيز لليهود؟ طب ولو زعلت أمريكا طب منين ح يأكلونا؟ والحكومة نفسها بتمد إيدها ويقولوا لهم شحتونا!! انت عايز يحبسونا ؟ لوعايزنا نقب اكتب حط همك في الأغاني فطر الشعب بأغاني نيم الشعب بأغاني والأغاني.. بيبعوها بالدولار الأمريكاني ولا يعنى جت علينا واشتهينا الفقر.. تاني؟ عيش وهيص شجع الأبطال ولادنا اللي رفعوا راس بلدنا مسخروا أولاد ناميبيا ولا ليبيا. عيش وهيص.. انت يعني كنت غاندي..؟ ولا حافظ ولا شوقى؟ ولا بيرم أو جاهين؟ مانت طول عمرك بتكتب! حد سمعك؟ قول لي مين؟ والأكام واحد بيحضر فى النداوي ف أى حته حتلاقيهم..خمسه سته! أما لو تكتب أغاني تبقى نجم ولك سماك واللي جاي يطلب لقاك واللي يتصور معاك والصحافة والإذاعه والبرامج.. كله ح يسجل معاك زى شعبان عبدالرحيم ولا شوف جمهور حكيم تبقى شاعر زى صاحبك كل واحد يرضى عنك الحكومه والصهاينه والخلايجه والتوانسه والاجانب والذوات بالخصوص صنف البنات هو دا آخر كلامي تمشى بيه.. أو تفارق من سكات ميت يمين ما تقول قصيده لاملا كل الدار صوات واللى يسأل تاني عنك راح أقول له غار ومات!
| | 
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
