|
| | |
| منتدى الشعر والخواطر الخواطر والشعر, قصائد، أشعار، نثر فلسطيني، تميم البرغوثي، أجمل قصائد تميم البرغوثي، أجمل قصائد نزار قبانى، شعر نزار قباني، تميم البرغوتى، شعر فى القدس، خواطر، شعر عن فلسطين، ابيات شعر ، نثر Thoughts and poetry, poems, poetry, prose Palestinians, Tamim Barghouti, the most beautiful poems of Tamim Barghouti, the most beautiful poems of Nizar Qabbani, Nizar Qabbani, Poetry, Tamim Barghouti, felt in Jerusalem, thoughts, poems for Palestine, the verses of poetry, prose |
 |
|
| |
14-Jun-2008, 06:09 PM
| #1 (permalink) | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| قصائد حزينه للشاعر سالم سيار.. يسعدلي مسائكم اعضائنا الغاليين حبيت اطرح لكم بعض من قصائد الشاعر ((سالم سيار)) الي تتميز بطابعها الحزين واتمنى تنال على اعجابكم قصيـــــده ::|||:: ليــــــه ::|||:: ليــه..؟؟!! هذا هو اللي تبيه..اني ارحل من حياتك.. واشعل عيوني بـ ليه..! بس خلاص..!! هذا هو اللي قدرته وقدرك ربي عليه...؟ بذمتك هذا كلام ..؟ اني ارجع من جديد .. ارجع افرش كل تعب عمري وانام.. زين لحظه.. لسألوني الناس وينك..؟ وان دروا ضحكه عيونك عن عيوني فارقت.. سافرت ردت لعينك.. بذمتك وش اقول..!! قول..قول.. قول قول الله يخرب بيت بيتك.! توني يادوبي بديت ..بعت عمري واشتريتك.. خطوه ..خطوه...واشتريتك توني باطراف البدايه! مدري وشلون انتهيت.. ياأخي حسّ ..والله عيب إللي تبيه.. إني ارحل من حياتك وأشعل عيوني بـ ليه.. لا جبينك شمس واحساسك مطر.. لاعيونك شوق وشعورك دفا.. جبت لك بإيدي ابتسامات العمر .. ليه تكسرها على اطراف الشفا... شوف.. شوف بعثرني احتياجي بالنظر.. شوف وجهي إمتلا منك بـ أفا ..!! ما تجي منك ولكن يابشر: منت اول من طعني بالجفا.. إبركتهن كل جروحي بالسهر.. ولا افكر من ورا قلبك شفا.. ولّ ياقلبك ما يجيب الا القهر .. ولّ ياعمرك ماعرف طعم الوفا.. وإلا انا مثل النهر ابقى نهر.. من تحوسه ..ترجع تشوفه صفا.. فيني والله احساس لامنه ظهر.. يشعل ضلوعك اذا قلبك طغا.. هذا هو اللي تبيه ..؟ وهذا هو اللي قدرته؟؟ وقدرك ربي عليه ..بذمتك هذا كلام ..؟ اني ارجع من جديد.. ارجع افرش كل تعب عمري وانام..!! وين اروح....؟! شلون اجيب لقلبي المجروح روح ! هذا هو اللي تبيه. قصيــــدة ::][:: الج ـــرآح ::][:: عسى ما ازعلتك البارح وزودت الجراح جراح عسى ما مرت الدمعه على اهدابك من اسبابي جرحتك من كثر شوقي وخليت الكلام رماح ولا ادري شلون ياعمري طعنتك حيل بعتابي بدون شعور صدقني ترى كثر الغلا ذباح تعال وشوف بغيابك غلاك شلون سوابي حرام تغيب من عمري وتعطيني الفراق وشاح حرام الدمع في عيني مناديله هي اهدابي غيابك يشغل عيون الزوايا وامتلي اشباح وانا انثر صوتك بقلب المكان واشعل ابوابي تلفت للأمل دام الرجا في عمري الملواح اناديلك ولو شرهك وصولك تقطع اعصابي ابيك الجاي من عمري انا مابيك شي وراح مدامك اجمل واخر مدامك اول احبابي ابي ارتاح ياعمري انا ادري هم تبي ترتاح تعال وقبل ما افرح ترا تفرح بك ثيابي احبك احبك يابعد عمر الحزن والجرح والافراح احبك احبك كثر ما نامت عيونك داخل اهدابي تحياتى للجميع
| | 
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
